شه‌ریف هه‌ژاری: له‌م به‌سه‌رهاته‌ی هێمنی موكریانییه‌وه‌ زۆرێك له‌ (كورد) بناسه‌!

پێموایه‌ ئه‌م ڕووداوه‌ی كه‌ به‌سه‌ر هێمنی موكریانی دا هاتووه‌ و هێمن له‌ ڕه‌مه‌زان دا جگه‌ره‌ی كێشاوه‌ ئه‌یسه‌لمێنێت كه‌ بوونیه‌تی هوشیاریی زۆرێك له‌ كورد له‌ چ ئاستێكدا بووه‌، ته‌نانه‌ت ئێستاش له‌و ئاسته‌ هوشیارییه‌ ماوه‌ته‌وه‌ و زۆر تێ په‌ڕی نه‌كردووه‌!

ڕەمەزان ئه‌بێت، ڕۆژێك هێمنی مه‌زن لە هەولێرەوە بەرەو بالەکایەتی ده‌ڕوات، لە ناو ئۆتۆمبێله‌كه‌دا زۆر تامه‌زرۆی جگه‌ره‌كێشان ئه‌بێ و جگه‌ره‌یه‌ك دادەگیرسێنێ.

هەرچی گه‌شتكارانی ناو ئۆتۆمبێله‌كه‌یه‌ به‌ شۆفێركه‌شه‌وه‌ ڕووبه‌ڕووی هێمن ئه‌بنه‌وه‌ و بە گژی دائه‌چن و پێی ئه‌ڵێن: ئه‌ی پیرەمێرد پێت لە سەر لێواری قەبرە، لە خوا ناترسی بەم ڕەمەزانە ڕۆژوو دەشکێنی و به‌ ڕۆژوو نابیت!؟

هێمن له‌ وه‌لامدا پێیان ده‌ڵێت: بۆچی ئێوە ده‌زانن كه‌ من کێم !؟

خه‌ڵكه‌كه‌ش پێی ئه‌ڵێن: چووزانین! ئه‌وه‌ ده‌زانین كه‌ پیرەمێردێکی و بە ڕۆژوو نیت!

هێمنی موكریانیش ئه‌ڵێت: براینه‌ من فەلەم (فه‌له‌كه‌دینم)، باوکی فەرانسۆ حەریریم ! کوڕه‌كه‌م به‌رپرسه‌ لە گەڵاڵە و دەچم سەرێكی لێ ئەدەم!!

خه‌ڵكه‌كه‌ (گه‌شتكاره‌كان) به‌ جارێك ئه‌ڵێن: ئەی مامەگیان، زۆر بمانبووره‌، به‌ خوا نەمانزانی!!

هێمن زیاتر به‌سه‌رهاته‌كه‌ دەگێڕیته‌وه‌ و ئه‌ڵێت: ئینجا خه‌ڵكه‌كه‌ جگه‌ره‌ی تریان بۆ دادەگیرساندم و ئاویان ده‌دامێ، ئه‌مه‌ش ته‌نها له‌به‌ر ئه‌وه‌بوو كه‌ وتم كوڕه‌كه‌م فه‌ره‌نسۆ حه‌ریرییه‌ كه‌ به‌رپرسه‌ له‌ گه‌ڵاله و‌، نه‌وه‌ك دواتر لێیان تووڕه‌ ببێت!!

تێبینی: ئه‌م چیرۆكه‌ به‌ حه‌قیقی‌ ڕوویداوه‌ و هه‌ژاری موكریانیش ئه‌یگێڕیته‌وه‌.

 

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies