هیوا ناسیح: چۆن یه‌که‌م کۆنفرانسمان له ‌نه‌ته‌وه یه‌کگرتوه‌کان بۆ هه‌ڵه‌‌بجه‌ و ئه‌نفال ساز کرد؟

سوپاس بۆ کلیک کردنە سەر تۆڕە کۆمەڵایەتیەکان و ناردنی بابەتەکە بۆ هاوڕێکانت

گه‌یاندنی دۆسیه‌ی ئه‌نفال و هه‌ڵه‌بجه‌ به‌ ناوه‌نده‌ نێوده‌وڵه‌تی و جیهانییه‌کان و هه‌وڵدان بۆ به‌ جینۆسایدناساندنیان کارێکه‌، که‌ ده‌بوو حکومه‌تی هه‌رێمی کوردستان و یه‌کێتی و پارتی هه‌ر دوای راپه‌رین و پێکهێنانی ئه‌و حکومه‌‌ته‌ شێلگیرانه‌ کاریان بۆ بکردایه‌ و هه‌وڵیان بۆ بدابایه‌. ئه‌وان که‌ هه‌م ئۆتۆریته‌یه‌کی خۆیان له‌ سه‌ر ئاستی نێوده‌وڵه‌تی و وڵاتانی ئه‌وروپا به‌تایبه‌تی هه‌یه‌، هه‌میش بوودجه‌یه‌کی زه‌به‌لاحیان له‌ موڵکی گشتی له‌به‌رده‌ستدایه‌، زۆر ئاسانتر و خۆشده‌ستانه‌تر ده‌یانتوانی، چه‌ندان کۆنفرانسی نێوده‌وڵه‌تی له‌ باره‌گای سه‌ره‌کی نه‌ته‌وه‌ یه‌کگرتوه‌کان له‌ ئه‌مریکا و سویسرا هه‌روه‌ها په‌رله‌مانی ئه‌وروپا و شوێنانی تر ساز بکه‌ن، وه‌بیانکه‌‌نه‌ سه‌نته‌ری چالاکیه‌کانیان بۆ ئه‌و دۆسیه‌یانه‌.
به‌ داخه‌وه‌ ئه‌و دوو حزبه‌ به‌ وه‌زاره‌تی شه‌هیدانه‌که‌ی حکومه‌تی هه‌رێم، لیژنه‌‌ی شه‌هیدان وئه‌نفالکراوانی په‌رله‌مانی کوردستان وه‌ نوێنه‌رایه‌تییه‌کانی حکومه‌تی هه‌رێم له‌‌م وڵاتانه‌ی هه‌نده‌ران له‌ ئه‌وروپا و داموده‌زگا نێوده‌وڵه‌تییه‌کان کارێکیان له‌‌و دۆسایه‌یه‌دا نه‌کرد، سه‌ره‌ڕای باشیی توانا ماددی و مه‌عنه‌وی و په‌‌یوه‌ندییه‌کانیان به‌ وڵاتانی جهیان، که‌ له ‌ئاستی گرنگی دۆسیه‌که‌ و هه‌روه‌ها بانگه‌شه‌کردنییان بۆ خۆبه‌پارێزه‌ریی قوربانییانی ئه‌و تاوانانه‌ و مافه‌کانی که‌سوکاری قوربانییان بێت.
ڕێکخراوی چاودێری کوردۆساید (چاک) کاتی خۆی چالاکترین ڕێکخراو بوو، له‌ بواری مافی مرۆڤ و به‌جینۆسایدناساندنی کۆمه‌ڵکوژیی و گه‌وره‌تاوانه‌کانی، که‌ دژ به‌ میلله‌تی کورد ئه‌نجامدراوه، له‌ ئاستی نێوده‌وڵه‌تیدا‌ کاری ده‌کرد، کۆمیته‌ی له‌ باشوری کوردستان و زۆربه‌‌ی وڵاتانی ئه‌وروپای رۆژئاوا هه‌بوو. ساڵانێکی زۆر به‌نده‌ ئه‌ندامی ده‌سته‌ی کارگێڕ، به‌رپرسی په‌یوه‌ندییه‌ بییانییه‌کان، به‌رپرسی کۆمیته‌‌ی سویسرا و خولێکیش بۆ ماوه‌ی نزیکه‌ی سێ ساڵ (٢٠١٤-٢٠١٧) سه‌رپه‌رشتیاری رێکخراوه‌که‌ بووم. له‌ چوارچێوه‌ی کار و چالاکییه‌کانماندا و بۆ خۆئاماده‌کردن بۆ یادی هه‌ڵه‌بجه‌ بۆ ساڵی ٢٠١١ پڕۆژه‌یه‌‌کم ئاماده‌ کرد بۆ ئه‌نجامدانی کۆنفرانسێکی نێوده‌وڵه‌تی له‌ باره‌گای گشتی نه‌ته‌وه‌یه‌کگرتوه‌کان له‌ ژنێڤ، که‌ تا ئه‌و کاته‌ نه‌ حزبه‌‌ کوردییه‌کان، نه‌ حکومه‌تی هه‌رێم وه‌ نه‌ هی عێراقیش کۆنفرانسی گه‌وره‌‌ی وایان ساز نه‌کردبوو، دوای سه‌رنج و تێبینی هاوڕێیان، بڕیارماندا بۆ وه‌زاره‌تی شه‌هیدانی حکومه‌تی هه‌رێم بینێرین، ئه‌وکات د. مه‌جید محه‌مه‌د وه‌زیر بوو، چونکه‌ له‌ ڕووی ماددیه‌وه‌ ئیمکانییه‌تێکی زۆری ده‌وێت و هه‌روه‌ها بۆ وه‌رگرتنی ڤیزه‌ و ئاسانکاری سه‌فه‌ری ئه‌وانه‌ی داوه‌تده‌کرێن له‌ کوردستانه‌وه‌ بێ پشتیوانی حکومه‌تی هه‌رێم ئه‌سته‌م ده‌بوو،‌ پرۆژه‌‌که‌م له‌سه‌ر کاغه‌زی فه‌رمی و به‌ لۆگۆی ڕێکخراوه‌که‌وه‌ له‌‌ ١٢/٧/٢٠١٠ نارد. به‌ڵام به‌داخه‌وه‌ هاوکاریی پێویستیان نه‌کردین.

بۆ خوێندنەوەی تەواوی بابەتەکە کلیک بکەرە سەر/ چۆن یه‌که‌م کۆنفرانسمان له ‌نه‌ته‌وه یه‌کگرتوه‌کان بۆ هه‌ڵه‌‌بجه‌ و ئه‌نفال ساز کرد؟

سوپاس بۆ کلیک کردنە سەر تۆڕە کۆمەڵایەتیەکان و ناردنی بابەتەکە بۆ هاوڕێکانت