تەلارێکی دژوار // کەژال نوری \\ هۆلەندا

ئائێرە ، مەملەکەتی ژنێکە

نۆستالیژیا کردی بەشانامەیەک و

قەسیدەش لە تاریکترین ژوری ( ئیڤین ) دا بەندی کرد

ئیتر لەو رۆژەوە ئاسمان فرۆشرا ،

زەوی بوبەکرێگرتەی ژورێکی پر لەترس و سام

خۆر ناونیشانی سەربانی ماڵەکەی لە بیرچووەوە

ئالێرەوە ،،،

باخی عەدەن بۆگەنی کرد

چنار – چنار ،،

دار بەدارو نەمام نەمام ،

ئەی ژنەتەنیاکەی

لەرۆحی من تەنیاتر

لە فگیوری جەستەی تۆدا

لەمەرامێک دەئاڵێم و خۆمم بۆ هەڵخستوە

لەوەڵامێک دەگەرێم و زەوی بۆ دەپشکنم

لە دیدەنی ئارامی یەک دەگەرێم و هەرنایە

ئەمە چ هەستێکی دەرهەستە ؟

ئەی ژنە تەنیاکەی لەرۆحی من – تەنیاتر

٧ ی ژینوەری ٢٠١٢

هۆلەندا

* نۆستالیژیا :- که‌سانێک که‌ تووشی نۆستالژیا ده‌بن ، خه‌ویان که‌م و خه‌میان هێنده‌ زۆر ده‌بێت ، تا ئاستی خه‌مۆکی ، که‌مدوو ده‌بن ، زوو زوو هه‌ناسه‌ی سارد هه‌ڵده‌کێشن ، وه‌ک گوڵێکی بێ ئاو سیس ده‌بن ، هاوهه‌ستییان به‌ره‌و کزی دەجیت ونامینیت

* ئیڤین :- قولترین زیندانە لەتاران

239 جار بینــراوە لەڕەهێڵپۆست

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies