کارزان کۆیی : مەراییەکی سەیری نوێنەری سەرۆک و پارێزگاریی کەرکوک .

ئەو دەمەی ڕەفتارێکی نەشیاو دەبینرێت مرۆف هەست بە نائارامی زۆر دەکات . ئەوەی لەو بەڕێزانەم بینی شکاندنی شکۆی خوێنی پێشمەرگە بوو وە خستمیە سەر ئەو دوڕیانەی کەبڵێم ئەم حکومەتە . عەرەب و صەدامیەکانیان لا پیرۆزترە لە خوێنی پێشمەرگەو خانوادەی سەربەرزی شەهیدان .
لەم ماوەیەدا لەپرسەی ماتەمینی خێزانی شێخ ئەنوەرعاصی ، پارێزگاری کەرکوک دکتۆر نەجمەدین م بینی دەست بەسنگەوە وەستابوو بەخێر هاتنی میوانانی دەکرد وەک ئەوەی خۆی خاوەن پرسە بێ لەلای ڕاستیشیەوە بەهەمان شێوە کاک مەلا بەختیار وەستا بوو ، بەهەردوو بەخێرهاتنی ئامادەبوانی پرسەکەیان دەکرد . بەرپرسەکان زۆر بوون هەژمار ناکرێن کە وەک خاوەن پرسە بەهەنسکەوە پێشوازی میوانانیان دەکرد . بە نوێنەری سە رۆکی هەرێمیشەوە کاک عبدالطیف گلی نوێنەر سەرۆکی هەرێم لەکەرکوک . کەکەسێکی نزیک وخۆشەویستمە . دەکرێ لێرەدا لەخۆمان بپرسین لەکام پرسەی شەهیدانمانا بەرپرسانمان بەم شێوەیە هەستیان بە بەرپرسیارێتی کردووەوخۆیان بەخاوەن پرسە زانیوە . بێ گومان نەبووەونابێ تەنها وەک میوان بەپۆشاک وبۆنی مارکەوە بۆ خۆدەرخستن لەڕیزی پێشەوە بۆ چەند ساتێ ئامادە بن .
دەبا بزانن ئەم خاوەن پرسەیە کێ یە ئەوەندە لای بەرپرسان و حکومەتەکەمان پیرۆزە . ئەم کەسە لەناو جەرگەی سلێمانی لەهەستیارترین و گران بەهاترین شوێندا خانویەکی هەزاران مەتریان بەخۆڕایی پێ داوەو مولیدەی تایبەتیان بۆ دابین کردوە .! ئەو کەسە شێخ ئەنوەر عاصی یە میری عەشیرەتی عبێدە . لەدوای پرۆسەی ئازادی عێراق . بەردەوام داوای ئازاد کردنی صەدام حسێنی دەکرد . تا لەساڵی 2006 دا لەپڕۆسەی { مشروع المصالحە الوطنیە } دا ئازاد کردنی صەدام حسین و بەعسیەکانی کردە مەرج بۆ سەرکەوتنی ئەو پڕۆسەیە . وە لە کۆنگرەی هۆزەعەرەبیەکاندا لە مانگی نۆی هەمان ساڵد بە فەرمی داوای لە نەتەوەیەک گرتوەکان و جامعەی عەرەبی وڕێکخراوی لیبوردنی جیهانی وحکومەتی ناوەند کرد بۆ ئازاد کردنی صەدام حسێن . وە لەیادی هەڵبژاردنی صەدامدا داوای بەیعەی کردەوە بۆئەوەی جارێکی دی صەدام حسێن بێتەوە سەرۆک کۆمار گوایە تەنها هەرئەو شەرعیە . وە بۆ زانیاری بەڕێزتان بۆ یەکەمین جار صەدام حسێن لەبەندیخانەوە قەصیدەیەکی نوسی بۆئەم بەڕیزە و ئەمیش وەڵامی دایەوە بەناوی ئاڵای نەتەوە دەتوانن لەم لینکەدا بیخوێنەوە { http://women.bo7.net/girls249802} ئەمە جگەلەوەی لەلێدوانەکانیدا کەباسی پێشمەرگەو کوردستانی لێ دەکەرێ یەکسەر باس لەیەک پارچەیی عێراق دەکات .
ئیدی ناحەقم مەگرن کە دەڵێم ترسناکترین حکومەت ئەم حکومەتەی ئێمەیە بۆ نائارامی دەرونی تاکەکانی ئەم هەرێمە . ئەگەر نا بۆ دەبێ لەپرسەی سەربەرزی گیان بەختکراوانی خۆماندا بەرپرسان وەک میوان ئامادەبن لە پرسەی نەیرانیشدا وەک خاوەن پرسە مامەڵە بکەن و بەپرسەی خۆیانی بزانن .
لەکۆتاییدا پێم باشە بەرپرسانی دیاری کراو وەڵامیان هەبێت بۆ خانوادەی شەهیدان تا بزانین ئەم هەڵوێستە ، هەڵوێستی خوودی خۆیان بوو یاڕێنمایی حیزبەکەیان بوو ؟ !.

کلیک بکەرە سەر سمبولەکانی خوارەوە ، ئەم بابەتە بنێرە بۆ هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies