ئەنوەر قادر : کەمتیار و کەرامەت کوجا مەرحەبا .

سێ رۆژە ئەم چەند دێڕەم نووسیوە و بەردەوام دودڵ بووم لە بڵاو کردنەوەی ، نەک لەبەر حەیا و حورمەتی ئێوە ، بەڵکو لەبەر ئەوەی هەرگیز ئەمە میتۆدی نووسینی من نەبووە ، ئەو وشانە بەکار بهێنم کە ڕووی مەجلیسیان نیە ، بەڵام پڕ بە پێستی ئێوەن ( ئەگەر کەمیشم نەوتبێ ) ئاخر ئێوە ئەوەندە روو قایم و بێ هەستن ، بەردیش ئەهێننە قسە ، لەکاتێکدا پێشمەرگە بەرگری لە بوونمان ئەکەن قارەمانێکیان و لەسەرەمەرگی پێش شەهید بوونی بە هاوڕێکانی بڵێ : دەخیلەی مناڵەکەمم شکاندوە و دە هەزار دینارم لێ دەرهێناوە تا پێی بگەڕێمەوە بەرەکانی جەنگ ، ئێوەی گێل و نەزانیش لە شاشەی تەلەفزیۆنە بەدناوەکانتانەوە بزە لەسەر لێوتانە و کەڵبەکانتان دەر ئەخەن ، وەک ئەوەی ریکلام بۆ مەعجونی دان بکەن . چۆن ئەکرێ رێزتان لێ بگیرێ ؟

لەو رۆژەوەی ئێوەی مافیا بە کەڵەگایی حوکمی ئەم میللەتە خێر نەدیوە ئەکەن ، رۆژ لەدوای رۆژ زیاتر مێژوومان لەکەدار ئەکەن و تا سامانی نەتەوەییمان زیاتر بێ ئێوە زیاتر خەڵک برسی ئەکەن و زیاتر خەڵکی بێ کەرامەت لە خۆتان کۆ ئەکەنەوە ، جارێک نەمان بینین دەستان لە دەستی دۆستێکی نەتەوەکەماندا بێت، تەنیا بۆ یەکجاریش هەڵوێستێکی نەتەوەییتان نەبووە ، ئارامترین جێی خۆ پاراستنتان ئامێزی دوژمنانی نەتەوەکەمان بووە ، بێ مۆراڵترین حکومەتی دنیا بە ئەندازەی ئێوە سامانی نەتەوەیی نەدزیوە و ئاسایشی نەتەوەیی نەخستووەتە مەترسیەوە ، وەک مۆرانە کەوتوونەتە گیانی ئەم میللەتە ، مووچەتان بڕیوە ، کارەبا نیە ، ئاو نیە ، پەروەردەیەکی سەردەمیانە نابینرێ ، خەڵکتان برسی کرد ، گەنجانتان خڵتانی  خوێن کرد و بکوژەکانیانتان خەڵات کرد . هەرچی شوێنی گەشت و گوزارە پەرژینتان کرد و کردتانە بەنزڵگەی حەسانەوەی خۆتان و ئاژەڵەکانتان ، تەنیا تروسکاییەک ئەو پەرلەمانە بوو کە کودەتایەکی نامەردانەتان بەسەردا کرد و لەبارتان برد ، تەنیا لایەنێک کە بەردەوام دوژمنایەتیتان کردوە و ئەیکەن ، رۆڵە بەشەرەف و دڵسۆزەکانی نەتەوەکەمانن ، ئەگەر مسقاڵێک کەرامەتتان بۆ خۆتان بهێشتایەتەوە ، پێویستتان بە ئۆردویەک ئوتومبێلی گوللەنەبڕ نەئەبوو ، بەڵام کاتێ تەنیا لە سایەی دوژمنە سەرسەختە خوێنڕێژەکانی نەتەوەکەماندا هەست بە ئاسودەیی بکەن و کۆیلەیی دوژمنان بووبێتە نەریتتان ، هەقتانە لە رۆڵەکانی نەتەوەکەی خۆتان بترسن .

نەوت بۆ گیرفانی خۆتان ئەنێرنە دەرەوە و تەرمی مناڵە نازدارە نوقومبووەکانی دەریامان بۆ ئەهێننەوە ، سامانی ژێرزەمین و سەرزەمین ئەدزن و ئەیکەن بە دۆلار و رەوانەی دەرەوەی ئەکەن و برسێتی و نەهامەتیمان بۆ ئەهێننەوە ، کارێکتان کردووە گەنجانی نیشتمانە ئەتک کراوەکەم خۆیان ئەکەنە خۆراکی نەهەنگ و لە دەسەڵاتی بێ مروەتی ئێوەیان پێ باشترە .

ئێستاش ئێوە بۆ چارەسەری قەیرانەکان دەست ئەکەنەوە بە گیرفانی بەتاڵی خەڵکیا و ملیارەکانی خۆتانی پێ کەڵەکە ئەکەن ، چارەسەر هەیە و عەوداڵی مەبن ، ئەگەر لەچارەی رەشی خۆتان رزگارمان بکەن و چیتان دزیوە بیبەن و ئاوی ئاموون و توونی بابا چن ، کوردستانی بریندارمان بۆ بەجێهێڵن ، ئەوە نیوەی چارەسەرە و نیوەکەی تریشی ئەو رۆڵە دڵسۆزانەی ئێوە بێنازتان کردبوون نیوەکەی تری چارەسەر ئەکەن ، هەرچەندە ئێمە ئومێدەوارین هەر ئەو رۆڵانەی برسیتان کردوون ، شاربەدەرتان بکەن و دوا فلسی دزراوی پارووی دەمی مناڵانی برسی لە گەرووتان دەرهێننەوە ، خۆ ئەگەر ملتان شکان و لە شیرپەنجەی خۆتان رزگارتان کردین تەنیا مەرجمان ئەوەیە ، مەسینەهەڵگرەکانیشتان لەگەڵ خۆتان بەرن ، راستە لەو وڵاتانەی بۆیان هەڵدێن مەسینە بەکار ناهێنرێ ، بەڵام ئەتوانن بەوە خۆشحاڵیان بکەن بیانکەن بە دەسڕی تەوالێت .

بەکلیکێک لەسەر سمبولەکانی خوارەوە ، ئەم بابەتە دەگات بەهاوڕێکانت

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies