کاوسێن بابەکر : کاک نەوشیروان هاتەوە بەڵام ….

هاتنەوەو نەهاتنەوەی کاک نۆشیروان کرابووە مەتەڵێک و لەلایەک نەهاتنەوەی والێکدەدرایەوە کەوا نهێنیەکی گەورەی تێدایەو لەوێ شتێکی گرنگی بەدەستەوەیە ، لەلایەکی تر هاتنەوەی وا لێکدەدرێتەوە کە بەفوویەک هەموو کێشەکان چارەسەر دەکات ! دژەکانیشی ڕۆیشتنی بە هەڵاتنوو هاتنەوەی بە ناچاری و بێ ئومێدی لەدووربوون و نزیک بوون لێک دەدەنەوە !
من پێموایە ئەم ڕۆیشتن و درەنگ هاتنەوەی هیچ نییە جگە لە بێهیوایی بە چارەسەرکردنی کێشەکان ، لێرەبوونی خۆشی و ئێمەش دەزانین هیچ کاریگەریەکی نەدەبوو مادام ئیرادەیەک نییە بۆ چارەسەرکردنی کێشەکان ، کاتێ پارتی هەر بۆ زەوق و زۆر بەئاسانی ڕێگە لەسەرۆکی پەرلەمان ، کە بەرزترین دەستەڵاتی یاسادانانە دەگرێ و ئیفلیچ و گێڕی دەکات . کاتێ ، وەزیرەکانی بۆدەنێرنەوە ماڵەوە بێ هیچ متمانە لێسەندنەوەیەکی قانوونی ! کێ و چۆن دەتوانێ ئەم بارە ناقانوونیە ڕاست دەکاتەوە ؟ دیارە جگە لە پارتی ، کەئەویش نایکات ! لێرەدا کاک نەوشیروان دەیتوانی چی بکات و بۆچی بهاتایەتەوە ؟ چ هەوڵێک سەرکردەکانی گۆڕان و یەکێتی و پارتەکانی تر نەیانداوە بۆ ئاسییکردنەوەی دۆخەکەو ئەو لێرەبا دەیدا ؟
ئێستاش ، کە هاتۆتەوە وەک هەر سەرکردەیەکی تری یەکێتی ، یان گۆڕان دەتوانێ ڕۆڵ ببینێ و هیچی تر . نەدارحەسای سحری پێیەونە لەبەر خاتری ئەویش پارتی لەکەلی شەیتان دێتەخوارەوە . مەگەر لەبەرنامەو دروشمەکانی بزووتنەوەکەی دابشکێنێ و میکاڤیلیانە لەپێناوی ئامانجەکاندا قوربانی بە بەرنامەو پرەنسیپەکانی بدات و [ ئامانج بیانوو بۆ ئامڕاز دێنێتەوە ] بگرێتەبەر .
ئەوەی کەم یا زیاد ئەو پیاوە بناسێ دەزانێ هەرگیز یاری بە باوەڕو بەرنامەکانی ناکات . کەواتە هیوا هەڵواسینی زیاد لەڕادە بەکاک نەوشیروان جگە لە خۆخەڵاتاندن و سەرخستنە ژێر لم زیاتر هیچی تر نییەو نیشاندانیشی وەک فریادڕەس باری شانی هێندەی تر قورس دەکات . دەزانم بەرنامەو بیرۆکەی پێیە بۆ چارەسەری کێشەکان و ڕێکخستنەوەی نێوماڵ کورد ، بەڵام بەهاوکاری هەموان دەتوانێ جارێکی تر گۆمەکە بشڵەقێنێ ، لێگەڕێن بەپێی هەلومەرجەکەو پێداویستی هەنگاو هەڵبێنی و کاتی ئەوەش هاتووە پارتی دۆخەکە باشتر بخوێنێتەوەو لە کەلی شەیتان بێتەخوارەوە و بارەکە ڕاست کاتەوەو لەگەڵ گۆڕان و سێ پارتەکەی تر دانیشێ و جدیانەتر کار بکات بۆ ئەوەی پەرلەمان و حکومەت بخاتەوە سەر پێ ! بەتایبەت ئێستا کە لەدەروازەی گۆڕانکاریەکانداین کە زۆر بەخێرایی کات تێدەپەڕێ و ئەگەرێکی زۆر نزیکە ڕووداوەکان جوگرافیای سیاسی ناوچەکە جارێکی تر بگۆڕن . ئامادەبوونی ئێمە بەیەکگرتوویی مەرجی بنەڕەتی قۆستنەوەی ئەنجامەکانە بۆ قازانجی گەلەکەمان .

بە کلیکێک لەسەر سمبولەکانی خوارەوە ، ئەم بابەتە دەگات بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies