كارۆخ عوسمان: بەنۆرەیە…

بڵاوكردنەوەی سیناریۆی دان پێدانانی زیندانیانی بادینان لەلایەن ئاسایشی پارتی و بنەماڵە، دەرخەری ئەو ڕاستیانەی خوارەوەیە:
یەكەم/ لەسەردەستی مەسرور بارزانی، پارتی دابەشی دوو بەرە بووەو بەڕەھایی دژی یەكتر دەوەستنەوە، ئەوەش سوڵتەی ئەو حزب و بنەماڵەیە لە ناو دەبات و دانپێدانانی (حەقیقی) مەسعود بارزانی بەخیانەتەكانی و گەندەڵی و دزیەكانی سەرانی حكومەت ھەروانزیك و نزیكتر دەكاتەوە لەدادگای عادیلانەی گەلدا.
دووەم/ نیوەی پارتی لە ئاستی خوارەوە تانزیك لوتكەی حزب ( نێچیرڤان بارزانی، بەھۆی دۆسیەی زیندانیانی بادینانەوە لێكترازانیان بەڕوونی وەدەركەوتووە، ئەوە جگە لەو بەرەڵاییە ئیداریەی كە لەو كابینەیەدا نیوەی پارتی بەتەواوی وەڕەس و بێزار كردووە.
سێیەم/ بەھۆی دۆسیەی زیندانكراوانی بادینانەوە دۆسیە خراپ و بێزراوەكانی تریش ھەڵدرانەوە لەلایەن سەرانی ئەو حزب و بنەماڵانەی حوكم ومیدیاو كەسایەتیە ڕكابەرەكانەوە. ئەمەش زیانێكی گەورەیە لەسەردەستەڵاتی خۆیان.
چوارەم/ بەھۆی ئەو دۆسیەوە ھێزەچەكدارەكانی سەر بەپارتی بێ چەندوچۆن دابەشی دووبەرە بوون و نیوەیان بەتەواوی دژی ئەو جۆرە حوكم و ڕژێمە ئەمنیەی مەسرور بارزانین. نیوەی ئەوچەكدارانە لە تەواوی سیاسەتی ئەوكابینەیە توڕەن.
پێنجەم/ بەھۆی دۆسیەی بادینیەكان بەتایبەت مەھزەلەی دانپێدانان نیوی پارتی بەنیوەی بارزانیەكانیشەوە ڕازی نین و بەكردەی خۆكوژی دەیبینن.
شەشەم/ نیوەی جەماوەرو ڕێكخستن و میدیاكارو فەرماندە عەسكەریەكانی پارتی پێیانوایە پارتی بەھۆی ئەودۆسیەوە ھیچ ئیعتباڕێكی سیاسی و ئەمنی و دیپلۆماسی نامێنێت وسیناریۆلە دوای سیناریۆحەجمی دادەبەزێت.
حەوتەم/ ھەر بەھۆی ئەو دانپێدانانە نامۆیەوە نیوەی پارتی لە ئەمنیەتی خۆیان دوودڵن وھیچ متمانەیەكیان بەڕۆژ و شەوەكانی ژێرسێبەری ئەو كابینە پۆلیسیە نیەو، وەك ئەوانی ترڕۆژەكانی كۆتایی عمری ئەوحكومەتە دەژمێرن.
ھەشتەم/ دۆسیەكە نیوەی پارتی لەوەتێگەیاند كە ئەو كابینەیە شاھیدیدرۆزان بەپارەو سامانی گشتی دەكڕێت لە پێناوچەواشەكردنی خەڵك و مانەوەی دەستەڵاتی داپڵۆسێنەر، بەمەش تا دێت گیرفانی گەل بەتاڵتردەكات.
نۆیەم/لە دونیای دەرەوەی ئێمەدا ھێزەچەكدارەكان لە پێناو پاسەوانیكردنن لە بڕیاری دادگا، بەڵام ئەو دۆسیەیە ھەموانی تێگەیاند كە لەسێبەری حوكمی بنەماڵە بەگشتی و كابینەكەی مەسروربارزانی بەتایبەت دادگا لەخزمەتی بڕیاری پۆلیسی وچەكداری خێڵ ومافیا و میلیشیایە.
دەیەم/ دۆسیەی زیندانی كراوانی بادینان دەریخست كە سەرۆكی ئەوكابینەیە عینادێكی عەشایەرەو كادری سیاسەت و ئیدارە نیە، بۆیە نیوەی پارتیش پێیان وایە ڕۆژ لە دوای ڕۆژ گوزەران و ژیانی خەڵك بەتێكڕا بەرەو خراپی دەڕوات، ئەمەش نیشانەیە بۆ شۆڕش وڕاپەڕینی جەماوەری.
یازدەھەم/ بەھۆی دۆسیەی زیندانیكراوانی بادینانەوە كونسوڵی ئەمریكاو چەندین وڵاتی تر نامەی سەركۆنەیان گەیاندۆتە دەستەڵات و داوایان لێدەكەن واز لەپێشێلكردنی مافەكانی ئینسان بێنن، چونكە لۆئەوانیش دەركەوتووە ڕژێمی حوكمی ئەو حزب و بنەماڵەیە ڕێز لەكۆمەڵگاكەی ناگرێت.
دوازدەھەم/ سیناریۆ نابوت و وێنە چوەكەی ئاسایشی پارتی سەبارەت بەدانپێدانانی گیراوانی بادینان نەك ھەرگەل بەگشتی تەنانەت دوولەسەرسێی جەماوەری پارتیشی ھێنایە پێكەنین و مەسرور بارزانی بە سیناریستێكی لاواز دەرخست.
سێزدە/ بەپێی وەرگرتنی عەینیەیەك لەناو ڕێكخستنی پارتیدا ڕاستیەك دەركەوتووە، ئەویش وەڕەسی خەڵك بەگشتی و نیوەی جەماوەری پارتی بە تایبەت، وای كردووە شارو دێھات بە تێكڕا چاوەڕێی شەرارەی شۆڕش بن.
ئەوێ دەمێش سیاسەتی چەوت ومافیاكانی حوكم ھەربەڕاستی توشی دانپێدانانی یاسایی دەبنەوە.

ئیتربە نۆرەیە

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies