talaban-u-Newshirwan

ناکام مەحمود : ڕێکەوتنی گۆڕان و یەکێتی .

یەکێتی لە دوای ڕاپەرینەوە لاوازی بێمتمانەیی بەڵێنەکانی پارتی بووە ، لەسەرەتادا واتە دوای راپەرێن بڕیاری نێوانیان وابوو کە جاش و مستەشارەکان لە هیچکام لەم دوو حیزبەدا وەرنەگیرێن و بەڵام پارتی ئەم هەڵەی قۆستەوە  . ئێستا ئەی بینیت ئەوەی مستەشار و جاش و هەندێک لە ئەنفال چیەکانیش لەڕیزی خەبات گێران و شەهیداندان ، لەلایەکی ترەوە لە ڕێکەوتن نامە سترتیجییەوکەی نێوانیاندا ووتراوە کە هیچ کامیان ئەندامی ئەوی تریان وەرنگرن،بەڵام پارتی چەندین کادری باڵای یەکێتی وەرگرتن و یەکێتیش جگە لە مینجە مینج و بۆڵە بۆڵ هیچی نەوت ئەمە جگە لە لیوا و پێشمەرگەکانی یەکێتی کە بەبەڵگەوە لامە لیوای یەکێتی بووە بەپارتی لەوەزارەتی پێشمەرگە .
پارتی لێزانانە لیستە کۆتاکان و نەتەوە و ئەدیانەکانی تر کەخاوەنی کورسی پەرلەمانن کردنی بە پاڵ پشت و بەشێک لەخۆی ، ئەوجا ئەگەر بزانێت کەسێک هەیە 400 دەنگ دێنێت لە هەڵبژاردن ئەوە خزمەت ئەکرێت و کاندید ئەکری سەربەخۆ بێت یان سەر بەپارتی نمونەش وەک جەلال پەرێشان .
ئەم ڕێکەوتنە درەنگ و زوو کەوتبوو ، ئێستا ڕەنگە كاتی ئەوە هاتبێ‌ كە پارتی باجی كودەتاكەی بەسەر شەرعی ترین دەزگای ئەم هەرێمەدا بدات ، لەلایەكی ترەوە یەكێتیش ئەتوانی بەشی خۆی تۆلەی لاواز بوون و پشگوێ‌ خستنی لە پارتی بكاتەوە ، لەسیاسەتدا بە هێزەكان نایبەنەوە , بەڵكو ئەوەی ئەی باتەوە بەهێزە , ڕەنگە ئەم هاوكێشەیە تەواو ڕاست بێت .
چۆن و چی رێکەوتنێکە ؟
سەیر لە وەدایە ئەم رێکەوتنە چۆن و چی پێ ئەکرێت بۆ ئەم بارو دۆخەی هەرێم لەلایەک و گۆران و یەکێتی لەلایەکی ترەوە . یەکێتی نیمچە بەنیوە ڕازی و ناڕازین – گۆڕانیش بەهەمان شێوە . هۆکاری ناڕازی بوونەکانیان بۆ کۆنە قین و دێرینە دووژمن دەگەرێتەوە .
بەڵام من وەک خۆم دڵخۆشم بەم رێکەوتنە چونکە زۆنی سلێمانی شەکەت و ماندو بوو لەنێوان سیاسەتی ئەماندا ئەمە سودێکە کە سلێمانی پشوویەکی دوور لەگرژی بدات . ئامانجەکە ئەوەیە پارتی ئەو پارتیە نەمێنێت کە هەیە ، قۆرخکردنی دەسەڵات و گوێ‌ نەدان بە خەباتی لایەنەکانی ترو بەموڵکی خۆ زانینی سەروەت و سامان و خاک و نیشتمان و حکومەت لەلایەکی ترەوە ، ئەم رێکەوتنامەیە پشتیوانی100% بەدەست دێنێت .
بۆ … ؟
1 – پارتی پوەندی لەگەڵ هیچ کام لە حیزب و لایەنەکوردیەکان باش نییە ، بەتایبەت دوای کودەتاکەی پارتی بەسەر پەرلەمان و لایەنەکاندا .
جگە لەکۆتاکانی ناو پەرلەمان، بۆیە هەموو ئەو حیزب و لایەنانەی کە لەگەڵ پارتی پەیوەندیان باش نیە هەم لە باشور هەم لەباکور و خۆرئاوا و خۆرهەڵاتیش پێشوازی لەم رێکەوتنە ئەکەن ، گۆران و یەکێتیش بەپێچەوانەی پارتی لەگەڵ زۆربەی لایەنەکان پەیوەندییەکی باشیان هەیە .
2 – خۆبەزل زانی پارتی ڕاوێژنەکردن بەلایەنەکانی تر لەپرسە گرنگەکاندا وەک نەوت و ئابوری ، ڕیفراندۆم و سەربەخۆیی ، بڕیارە چارەنوسازەکان و پەیوەندییە دەرەکیەکان ، لەلایەکی ترەوە دەرکردنی وەزیرەکان و داخستنی پەرلەمان .
3 – گۆڕان و یەکێتی دوولقی یەک درەختن بۆیە هاو سۆزن ، لە ئیستادا هەڵوێستیان لەیەک نزیکە .
4 – قۆرخ کاری پارتی لە پۆستە سیادیەکاندا .
5 – دوای نەمانی داعش پارتی پشتیوانی نێو دەوڵەتی لە دەست دەدات .
6 – بونی دەنگی ناڕازی لەناو خودی پارتی دا هەم لەسیاسەت کردنی هەم لە ئیدارەدانی و هەم لە بەشێک لە فەرماندە سەربازیەکانی بەتایبەت کەیسی ڕادەست کردنی شەنگال بەداعش .
7 – بێزاربونی كۆمەڵانی خەڵك لەم باروو دۆخە پڕقەیران و ناجێگیرەدا ، كە ڕێژەی نیوە زیاتری بە سیاسەتی پاوان خوازی پارتی دەزانن ، ئەویش بەهۆكاری پەكخستنی پەرلەمان و حكومەت و پچراندنی پەیوەندیەكانی هەرێم و بەغداد .

کلیک بکەرە سەر سمبولەکانی خوارەوەو ، ئەم بابەتە ئاشنا بکە بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies