Azad-hamdi

ئازاد حەمدی : چپەیەک .

ئەزانیت ئەو هەمو ووتووێژ و چلەحانیانەی کەڕۆژانە گوێبیستیان دەبین …. کە لەو هەموو گفتو گۆیانەوبەیەکگەیشتانانەدا ،لە کەنالە بیستراو و بینراوەکانەوە نەک گوێمانی پڕ کردووە بەڵکو مێشک و بیرو هۆشمانیشمانیشیان سیخناک و پڕکردووە لە جۆرەها ڕاو بۆ چوون ، لە وەختو ناوەختدا .. نان و ئاومان لێحەرام بووە .. ماڵ و مناڵیشمان کەوتوونەتە گێژاوی سیاسەتی چەقبەستووی لەبن نەهاتوو . ئەوەی بە خەیاڵماندا نەهات ڕووی دا . بانقەکان لە پڕێکدا حەتاڵ بەتاڵ .. کومپانیەکان مفلس وگسک لێدراو .. فەرمانگەکان سەرلێشێواو لەکار کەوتوو .. مامۆستاو قوتابی ڕازی و نا ڕازی .. دەستگا خزمەتگوزاریەکان و تەندروستیەکان ، لەناچاریدا تەنها بیر لە مانگرتن ئەکەنەوە .. خانە نیشان و پەککەووتەکان و کەمئەندام خراونەتە ڕیزی مردووانەوە ، ملوێنەها بەرمیلە نەوت لە ناخی خاکماندا ڕۆژانە دەردەچێت بەجۆرەها پاساودەڕوات و هەر مایە پووچ و هیچ و پۆچین … مووچەدان بۆتە دەردەسەری نیوەو چارەکە مووچە .. پاش وادە دان ـ هەردرۆن .. بیستوومانە دەریا زۆرقووڵ و لەبن نایەت .. درۆیە لە دەریا قووڵتر گیرفانی بەرپرسەکانمانەهەر پڕنابێت . ئینتەلا ناکات و هەڵنائاوسێن .
هەرچی ووتراوەو دەووترێت ، ئەو حکومەتەی پێیدەڵێن حکومەت بووە بە مۆتەکە و ( کەڕەی شەربەت ) گوێی لەهیچ نیە و ناشی بێستێت … هەرماویشە و دەشمێنێت ، بووە بە ڕێژەی نەگۆڕ و نا گۆڕێت . چی ئەڵێن بیڵێن .. چی ئەکەن بیکەن . دان بە خۆتاندا بگرن دانە جیڕەتان بێت .. تا دان لە دەمتاندا نا مێنێت ..
نەکەن زۆرلەو نازدارانەتان بکەن .. وەڕسیان مەکەن تا زۆریان بۆ نەهاتووە …. با نەی قوچێنن و شانیپێدابکەن و وەکو بەرزەکی بانان بۆی دەرچن …. چونکە وا بزانم نە ئاسۆ ڕوونە و نەئایندەش .. مووچە پاشەکەوتەکانتان ئەم نانە بەو ڕۆنەیە .. ئاوبێنن دەست بشۆن بەسابوونی موعەقم .

کلیک بکەرە سەر سمبولەکانی خوارەوەو ، ئەم بابەتە ئاشنا بکە بە هاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies