مەحمود عەبدوڵا : سیاسەت و گەمژەیی .

دوو شتی سەرسوڕ هێنەری جیهان مجسمەی ئەبولهول و ئەهرامەکانی میصر نین ، ئەوانە عیبارەتن لەوەی کە : بۆچی بێشعورەکان ئەوەندە نەفرەت ئەنگێزوچەپەل رەفتار دەکەن ؟ بۆچی لە بیرخستنەوەی ئەو خاڵە ئەوەندە ئازاردەچێژن ؟ منت اراکولیوس .

سیاسەت هۆشیارییە ، بەڵام سیاسەتی گەمژانە ، ناهۆشیاری بەرهەم دێنێت ، چونکە بۆئەوەی سیاسییەکان گەمژانە ڕەفتار بکەن دە بێت ، پانتاییەک لەناهۆشیاری هەبێت ، تا بتوانن مومارەسەی گەمژەییەکەیان بکەن . کەواتا لەوشوێنەی کە ناهۆشیاری سیاسی هەیە حەتمەن سیاسەتی گەمژانە پەیرەودەکرێت . هەرگیز سیاسەتی عەقلانی فەزایەک لە ناهۆشیاری دروست ناکات ، چونکە کارکردن لەسەر دروستکردنی ناهۆشیاری پێناسەیە بۆجۆری سیاسەت ، واتا سیاسەتی گەمژانە . کاتێک سیاسەت ڕووبەری ناهۆشیاری فراوانتر دەکات ، بۆئەوەیە کەدەرفەتی زیاتر هە بێت بۆکردەی گەمژانە . گەمژەیی سیاسی جۆرێکە لەنەخۆشی ، یاخود معتاد بوون ، چارەسەری نییە ، هەرچەندەزیاتر فشار بخرێتە سەر ئەو فضایە لەگەمژەیی , ئەوا کردەی کەمژانە خێراتر دە بێت و ، کاتێک روبەری هۆشیاری فراوانتر دە بێت ، سیاسەتی گەمژانەش پانتایی کردەی گەمژەیی فراوان دەکات و داهێنانی تێدادەکات ، واتا کاتێک خەڵک پەرچەکردارییان دە بێت دژی کردەی گەمژانەی سیاسی ، ئەوا سیاسەتی گەمژانەش پەر چەکرداری دە بێت دژی هۆشیاری سیاسی خەڵک ، بۆیە سیاسیەکان وەڵامی کۆمەڵگا نادەنەوە ، بە ڵکو دەیانهەوێت لەڕێگەی کردەی گەمژانە ڕوبەری هۆشیاری بچوک بکەنەوە . ئەم جۆرە لەسیاسەتکردن هەموو دەسەلاتە دیکتاتۆرەکانی پێدەناسرێنەوە . سیاسەتی گەمژانە هەرگیز بەدوای چارەسەردا ناگەڕێت بۆشکستەکانیان ؛ بەڵکو بەدوای کەسێک ، شتێک ، ڕوداوێک دادەگەرێت کەشکستەکانی بخاتە ئەستۆ ، واتا خۆ بێبەریکردن لەشکست ئەدگارێکی زەقی سیاسەتی گەمژانەیە .
ئێمە کاتێک گوێبیستی لێدوانی هەندێک بەرپرس دەبین کەدەڵێن : گەر بایکۆت چارەسەرە ، ئێمەش بایکۆت دەکەین ” ئەوە جگە لەدۆزینەوەی شتێک بۆئەوەی شکستەکانی خۆیانی پێدا هەڵبواسن چیتر نییە ، ئێمە ناتوانین ئەمجۆرە رستانە ، وەک گەمژەیی سیاسی نە بینین ، چونکە خۆ بونەوەرێکی تر ئەم وڵاتە بەرێوەنابات ، تا هیچ کەس لێی بەرپرس نە بێت !
تێگەیشتن لەگەمژەیی بەشێوازە تەقلیدییەکەی ، یاخود وەک تێگەیشتنی زۆربەی خەڵک ، جیاوازە لەو گەمژەییە ی کەمن لێرەدا ئاماژەی پێدەکەم . بەڵکو پێویستە بەجۆرێکی تر ، لەگەمژەیی تێبگەین کە دکتورخاویر کرمنت ” پێیوایە جۆرێک نەخۆشییە ،یاخود جۆرێکە لە اعتیاد بوون ، وەک اعتیاد بون بە مواد مخدر ، وەک چۆن ئەوانەی معتاد دەبن زیان بەخۆیان و بەوکۆمەڵگایەدەگەیەنن کە تێیدادەژین ، گەمژەکانیش بەهەمان شێوە ، بەڵام خراپترین تایبەتی ئەوجۆرە معتاد بوونە ” گەمژەیی “، ئەوەیە کە گەمژەکان یەک زەررە لە گەمژەیی خۆیان ئاگادارنین . لە بەرئەوەی هەرشتێکیان بوێت دەستیان پێدەگات ، تەنها کاتێک دەزانن کە بێشعورن کە ناتوانن مومارەسەی گەمژەییەکەیان بکەن .
گەمژە ئەو کەسەیە ، یاخود ئەوسیاسییەیە ، کە پێی وایە کۆمەڵگا بۆئەوە دروست بووە ، تا ئەو خۆی تێدا عرض بکات ، باکی بەهیچ شتێک نییە ، ئەوەی بۆئەو گرنگە بوارێک هەبێت خۆی تێدا دەولەمەند بکات ،پۆستێک هە بێت خۆی پێ بنوێنێت . یاخود بتوانێت لەوێوە مومارەسەی گەمژەییەکەی بکات . خەسڵەتێکی ھاوبەشی ھەمووگەمژەکان ئاستنزمی ئینتیمای نیشتیمانییە ، لە بەرامبەردا ئینتیمایەکی بەرزییان بۆگروپەکەیان ھەیەو ھەمیشە قوربانی بە ئینتیمای نیشتیمانی ئەدەن بۆ ئینتیمای حیزب و گروپەکەیان . ھەموو بەھاکانی کۆمەڵگا پێشێل دەکەن ، لەھەمانکاتدا بەردەوام بانگەشە بۆ بەھاجوانەکان دەکەن . د.خاویر دەڵێت : گەمژەکان هیچ کات داوای لێبوردن ناکەن ، هەمیشە فەرمان دەدەن . ئەمجۆرە لەگەمژەیی لەسەر ئاستی سیاسی وڵات بەرەو وێرانکاری دەبات ، کێشە ئەوەنییە کە قەیران دروست دەکەن ، بەڵام ئەوە کێشەیە کە هەست بە بەرپرسیاریەتی ناکەن ، بەڵام داوا دەکەن خەڵک خۆی بە بەرپرسیار بزانێت ، وەک ئەوەی خەڵک بۆ ئەوە دروستکرابن باجی هەڵەکانی ئەوان بدەن . لە جیاتی داوی لێبوردن لە هاوڵاتیان ،ستایشیان دەکەن بەوەی کە خۆڕاگرن ، ئا ئەمەیە سیسەتی گەمژانە .

بەکلیکێک لەسەر سمبولەکانی خوارەوە ، ئەم بابەتە دەگات بەهاوڕێکانت

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies