نەبەز جەلال: بۆ لەیەک نەچین؟!

پاپای ڤاتیکان ووتی: دەبێت بگەڕێنەوە بۆ دینی ئیبراھیمی!
ناوبردنی دین لێرەدا دەگەڕێتەوە بۆ پێکەوە ژیانی ئاشتیانەی نوێتر لە ڕابووردوو.
شێوازەکانی شەڕی دین لە ڕۆژھەڵاتدا گەرچی بە مەرام و ئامانجێکی دیاریکراویش بوبێ کۆتایی ھات؛ ئیتر زەمەنێکی ترە بۆ پێکەوە ژیانێکی سەردەمیانە .
بایدن ووتی: دەمانەوێت روسیا دڵنیا بکەینەوە کە توانای شەڕی ئەلیکترۆنیمان ھەیە، دیار بوو نەیدەویست ڕاستەوخۆ باس لە شەڕی بایەلۆژی بێسنور زلھێزبکات!
ناوبردنی شەڕەکە بۆ دوورکەوتنەوەی شەڕی بەرەیی چین بوو؛ وەک ئەوەی بڵێ: بوکێ لەگەڵ تۆمە خەسوو گوێت لێبێ. دەمێکە ھێڵی بەرگری و سنوری جوڵەی بەرەنگار بوونەوەی بۆ خەتڕێژ و ئامادەدەکرێ.
ھاوپەیمانان لەشەڕەی دژ بە دیندا ھیچیان پێنەکراو، سەرکەوتوو نەبون، بۆیە جگە لە جیاکردنەوەی توندڕەوەکانیان و داماڵین و دورخستنەوەیان لە بەرەی پێکەوە کارکردنی دین، ھیچ ڕێگایەکی تریان لەبەردەستدا نەماوە تا ئامادەیی بکەن بۆ ژیانێکی نوێی ئەلەکترۆنی و داگیرکردنی مرۆڤایەتی ئەم سەردەمە.
بۆ ئەمەش ھەموویان تێگەیشتن، کە ئیشکردن لەگەڵ سیما بوکەڵەیی و ماسکە سیاسییەکان نایانگەیەنێتە کۆتایی و، دەبێت لەگەڵ پێکھاتەی سروشتی خەڵکەکە ھەڵسوکەوت بکەن و بگەنە بڕوایەکی نوێ بۆ ئاشتی.
لە ئەفغانستان تاڵیبانیان دەرکرد، بەڵام وەک پێویستییەکی سیاسی بۆ ئایندە ھێنانیانەوە، لە عێراقیش بەعسییە سونەکانیان ڕووخان، ئیتر وەک چارەسەر دروستیان دەکەنەوە.
لێرەوە دەتوانین بڵێین کوردستان و ئەفغانستان جیاوازن لە ڕووی پەیڕەوەوە، چونکە بەشێک لە کوردەکان تا ئێستاش بە نھێنی وەک دۆستی بەعسییەکان دیارن و بە بێدەنگی قبوڵیانن!.
بەڵام لەڕووی کێشەو گرفتی خزمەت و دروستبوونەوەوە، ھاوشێوەی یەکین و، بە ھەمان شێوازی گەندەڵی و بەڕێوەبردنی خەڵکەوە سەرقاڵن و لە دوو دیوی یەک دراوو دەچین، کە ھەر یەکەیان لە جێگایەکی جیاواز بە موفتی بۆسودی دیوەخان خەرج دەکرێن و میللەتیش وەک ئیفلاسێکی دەستی دەسەڵات لێیکەوتووە و ، بە چاوەڕوانییەوە خەریکی ووتنەوەی قەتاروڵا وەیسیە بۆ داھاتوی پڕ لە مەرگی نادیاری خۆی!.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies