دکتۆر کامەران مەنتک: کوردستان لە رۆژگارە سەختەکاندا.

ئەرک نەبێت، کلیک بکەرە سەر سمبولی فەیسبووک، ئەم بابەتە بنێرە سەر بەشەکەت

وتەیەكی پێویست.
گومانی تیانیە كوردستان ئەمڕۆ لە سەختترین قۆناغی خۆیدا دەژیت، گەلی كورد لەژێر سایەی حیزبی گەندەڵ و سەركردایەتیەكی خۆپەرست و نابەرپرس، خەریكە رۆژ بەرۆژ زیاتر خاكی كوردستان لەدەست دەدات و دیمۆگرافیای كوردستان بەشێوەیەكی بەرنامە بۆ داڕێژراو دێتە گۆڕین، ماكینەیەكی میدیایی زەبەالح كار بۆ فریودانی رای گشتی كوردستان و ساختەكردنی مێژوو دەكات، لەنێو ئەو جەنجاڵیەدا هەوڵمداوە بەوردی چاودێری رووداوەكان بكەم و خوێندنەوەو شیكردنەوەیان بۆ بكەم، تاكە ئامانجم لەمەدا خزمەتكردنی نەتەوەكەی خۆمە و دەمەوێت ئەگەر بۆ كەمێكیش بێت برینەكانی ساڕێژ بكەم.
جێگەی داخە لەژێر ئاڵا بەناو ئازادی و لەژێر دەسەڵاتێكی بەناو كوردیدا، ئەوەی دژی كورد دەگوزەرێت، هیچ دوژمنێكی كورد، لەماوەی سەد ساڵی رابردوودا زاتی ئەوەی نەكردووە بیكات، سەر زەمین و ژێر
زەمینی ئەو واڵاتەیان تاڵان كرد و لەسەر سكی برسی خەڵك، ورگی خۆیان گەورە دەكەن و هەموو بەها پیرۆزەكانی ئەم واڵتەیان بێبەهاو چرووك كرد، هیچ پیرۆزیەكیان نەهێشت، لەوەتەی وەك كلۆ لەشاخەكان هاتنە خوارەوە و هێرشیان كردە سەر شارەكان، لەگەڵ خۆیان واڵت فرۆشی و سیخوڕیكردن بۆ داگیركەرانی كوردستانیان هێنایە ناو دڵی مییلەت و هەموو خەون و ئومێدێكی تاكی كوردیان بە نیشتمانەكەی ریسوا كرد، وایان كرد، خەڵكی كوردستان بەئاشكرا رەحمەت بۆ رژێمێكی دیكتاتۆری وەك رژێمەكەی سەدام حوسێن بنێرێت، كە بەهەزاران گەنج و ژن و منداڵی كوردی ئەنفال كرد و هەڵەبجەو ژمارەیەكی زۆر لە گوندەكانی كوردستانی كیمیا بارانكرد، بەشێكیان بوونەتە بەكرێگیراوی توركیاو بەشەكەی تریش بەكریگیراوی ئێران، هەندێك بەناو حیزبی بچووكی تر لەو ناوەندەدا دەلەوەڕێن و سیخوڕی بۆ هەموو لایەك دەكەن! لە باشووری كوردستان دا پیشەی سیخوڕیان كردە باشترین پیشە و نەك تەنیا سەركردایەتیان، بگرە كەسانی خوارەوەی حیزبەكانیش لەلایەن دەزگا سیخوڕییە هەرێمیەكانەوە بەكاردەهێنرێن، بەم چەشنە باشووری كوردستان بۆتە گۆڕستانی هەموو كوردە دڵسۆزەكانی پارچەكانی تر و لێرەوە كار لەسەر پاكتاو كردن و تێكشكاندنی میللەتێك دەكرێت.

بۆ خوێندنەوەی تەواوی هەردوو بەشی پەرتوکەکە، کلیک بکەرە سەر/

کوردستان لە رۆژگارە سەختەکاندا – بەشی یەکەم

کوردستان لە رۆژگارە سەختەکاندا- بەشی دووەم